ಯಕ್ಷ ಮಂಜೂಷ ಅಮೆರಿಕ ಪ್ರವಾಸ
ಲೇಖಕರು : ಉದಯವಾಣಿ
ಶುಕ್ರವಾರ, ಜುಲೈ 4 , 2014
|
|
ಜುಲೈ 4, 2014
|
ಯಕ್ಷ ಮಂಜೂಷ ಅಮೆರಿಕ ಪ್ರವಾಸ
ಮಂಗಳೂರು :
ಯಕ್ಷ ಮಂಜೂಷ ತಂಡ ಅಮೆರಿಕದ ವರ್ಜೀನಿಯಾದಲ್ಲಿ ಮತ್ತು ಮೇರಿಲ್ಯಾಂಡ್‌ನ ಚಿನ್ಮಯ ಮಿಷನ್‌ನಲ್ಲಿ ಯಕ್ಷಗಾನ ತರಬೇತಿ ಮತ್ತು ಪ್ರದರ್ಶನಕ್ಕಾಗಿ ಅಮೆರಿಕ ಪ್ರವಾಸ ಕೈಗೊಳ್ಳಲಿದೆ ಎಂದು ತಂಡದ ನೇತೃತ್ವ ವಹಿಸಿರುವ ವಿದ್ಯಾ ಕೋಳ್ಯೂರು ತಿಳಿಸಿದ್ದಾರೆ.
|
|
ಯಕ್ಷ ಮಂಜೂಷ ತಂಡ ಯಕ್ಷಗಾನ ತರಬೇತಿ ಮತ್ತು ಪ್ರದರ್ಶನಕ್ಕಾಗಿ ಅಮೆರಿಕ ಪ್ರವಾಸ ಕೈಗೊಳ್ಳಲಿದೆ
|
ವರ್ಜೀನಿಯದಲ್ಲಿ 115 ಮತ್ತು ಚಿನ್ಮಯ ಮಿಶನ್‌ನಲ್ಲಿ 54 ಮಂದಿ ಮಕ್ಕಳಿಗೆ ತರಬೇತಿ ನೀಡಲಾಗುವುದು. ಚಿನ್ಮಯ ಮಿಶನ್‌ನಲ್ಲಿ ತಂಡದ ಕೆಲವು ಸದಸ್ಯರು ತೆರಳಿ ಈಗಾಗಲೇ ತರಬೇತಿ ಆರಂಭಿಸಿದ್ದು, ಜು. 18ರಂದು ಕೊನೆಗೊಳ್ಳಲಿದೆ. ಮೇರಿಲ್ಯಾಂಡ್‌, ವಾಶಿಂಗ್ಟನ್‌, ಎಡಿಸನ್‌, ರಿಚ್‌ಮಂಡ್‌, ಅಟ್ಲಾಂಟ, ಡಾಲ್ಲೆಸ್‌, ಆಸ್ಟಿನ್‌, ಫೀನಿಕ್ಸ್‌, ಸ್ಯಾನ್‌ಹೋಸ್‌, ಯುಎನ್‌ಸಿ, ಯುಎಂಸಿಯಲ್ಲಿ ಪ್ರದರ್ಶನ ನೀಡಲಾಗುವುದು. ಅಮೆರಿಕದಲ್ಲಿರುವ ಭಾರತೀಯ ರಾಯಭಾರ ಕಚೇರಿಯಲ್ಲಿ ಸೆ. 6ರಂದು ಪ್ರದರ್ಶನ ನಡೆಯಲಿದೆ ಎಂದು ಅವರು ಪತ್ರಿಕಾಗೋಷ್ಠಿಯಲ್ಲಿ ಬುಧವಾರ ವಿವರಿಸಿದರು.
ಭಾಗವತರಾಗಿ ಪಟ್ಲ ಸತೀಶ್‌ ಶೆಟ್ಟಿ, ಮದ್ದಳೆಗಾರರಾಗಿ ಪದ್ಮನಾಭ ಉಪಾಧ್ಯಾಯ, ಚೆಂಡೆವಾದಕರಾಗಿ ಬೆಳುವಾಯಿ ದೇವಾನಂದ ಭಟ್‌ ಭಾಗವಹಿಸಲಿದ್ದಾರೆ. ತಂಡದಲ್ಲಿ ವಿದ್ಯಾ ಕೋಳ್ಯೂರು, ಹರಿನಾರಾಯಣ ಎಡನೀರು, ಮೋಹನ ಬೆಳ್ಳಿಪ್ಪಾಡಿ, ಪ್ರಶಾಂತ್‌ ಶೆಟ್ಟಿ ನೆಲ್ಯಾಡಿ, ರಾಕೇಶ್‌ ರೈ ಅಡ್ಕ, ಅರುಣ್‌, ಸರವು ಕೃಷ್ಣ ಭಟ್‌ ಇದ್ದಾರೆ. ಸೆ. 11ರಂದು ತಂಡ ವಾಪಸ್ಸಾಗಲಿದೆ ಎಂದರು.
ಪಟ್ಲ ಸತೀಶ್‌ ಶೆಟ್ಟಿ, ಪದ್ಮನಾಭ ಉಪಾಧ್ಯಾಯ, ಬೆಳುವಾಯಿ ದೇವಾನಂದ ಭಟ್‌ ಉಪಸ್ಥಿತರಿದ್ದರು.
ಕೃಪೆ :
http://www.udayavani.com
|
|
|
